Угаасаа чамд зохиогүй
Уруул нүдээ будах хэрэг алга
Тэрнийхээ оронд нууж орхи
Тэрлэг нөмөрч, үсээ сул асга
Гашуудал мэт санандах хэдий ч
Ганц олдох орон зай чинь
Үйлээ тээгээд
Үсэнд чинь бий юм шүү дээ
Сам хийгээд сайхан төрхөөр
Гоёж гоодох
Гоочилж наадах
Сайхан бүсгүйн танхил авир над алга
Алга хавсарч
Аминчлан гуйх нь
Өнгөрсөн бөгөөд
Өнөөгийн дурлалуудыг минь
Өнө мөнхөд нь жаргааж хайрла
Үүний төлөө бол
Гоёж
Гоо-д-сон ч яахав…