Эзэнтэй шүлгүүд...

Өмөрсөн сэтгэлд бороо цутгаж
Өмсгөл тайлан бие нүцгэрч
Өврөөн гоёж, өрцөөн дулаацуулсан
Өчигдөр шөнийн энэлэн дүүрэн жаргасаны баталгаа бол
Инээмсэглэл

Ээ атгахан зүрх-г эзэгнэгчмин
Эр биендчинь уусан
Эд эсээрчинь мэдэрч
Чи салхи шиг
Намайг цэцэг шиг найгуулах
Энэ шөнө
Нүцгэн биес…таалалцана

Дур эзэндээ дутсан
Дурсамж зүрхэндээ ахдсан
Дуулж нэг үзээд болохгүй бол уйлж нэг үзсэн
Дурлал гээчээс өөрийгөө чөлөөлж үл чаднам

 Инээх уйлах-н завсарт явган
Ирэх буцах-н хооронд нүцгэн…
Эхлэл төгсгөл дунд ганцаар
Эхнээсээ л танай ертөнцийн хүн байгаагүй…

Өөртөө зүрх хийгээд
Өрөөлд бэлэглээд
Тэрийгээ улаанаар будаад
Тэсвэр тэвчээрийн заагт өөрөө өөртэйгөө л зогсмоор…